مٹن اسٹیک سوس کے ساتھ
:اجزا
بکرے کا گوشت ایک کلو
نمک حسب زائقہ
کالی مرچ ایک ٹی اسپون
لہسن کچلا ھوا یا پسا ھوا ایک ٹی اسپون
سفید سرکہ دو ٹیبل اسپون
انڈے کی صرف زردی دو عدد
ھرا دھنیا ایک گھٹی
پارسلے دو ٹیبل اسپون ( عام بازار میں پیک بوتل میں اسی نام سے مل جاتا ھے
لیموں کا رس ایک ٹیبل اسپون
مکھن یا مارجرین ایک کپ ( تیل بھی لے سکتے ھیں )
اولیو آئل دو ٹیبل اسپون
:ترکیب
ایک گوشت کا بڑا ٹکڑا لیں اسکی چربی صاف کرلیں اور اس کے پتلے پتلے پارچے بنالیں
ھیمر سے ان کو کچل لیں
ایک پیالے میں لہسن کچلا یا پسا ھوا ڈالیں اس میں نمک کالی مرچ سرکہ اور اولیو آئل ( نہ ھو تو عام تیل ) ڈال کر مکس کرلیں
اب اس مکسچر میں پارچے ڈال کر اچھی طرح مکس کرلیں اور ڈھک کر کم از کم چار گھنٹے کے لئیے فریج میں رکھ دیں
گرل پین میں یہ بہت اچھے بنتے ھیں کیونکہ وہ نان اسٹک ھوتا ھے کم تیل میں نشان کے ساتھ بنتے ھیں یا پھر اوون میں بھی گرل کرسکتے ھیں اوون کو ایک سو اسی پہ گرم کریں اور ایک ٹرے کو ھلکا سا گریس کرکے پارچے اس میں رکھ کر گلنے تک گرل کرلیں
یا گرل پین چولھے پہ رکھیں ھلکا سا تیل لگاکر پارچے تھوڑے تھوڑے کرکے رکھیں اور درمیانی آنچ پہ انھیں دونوں طرف سے اچھی طرح پکالیں گولڈن نشان ھوجائیں اور گل جائیں تو نکال لیں
:اب ان کی سوس تیار کریں
ھرا دھنیا صاف کرکے ایک بلنڈر میں ڈالیں اور پارسلےاور انڈے کی صرف زردی ڈال کر لیموں کا رس بھی شامل کرلیں اب ایک پین میں مکھن یا مارجرین ڈال کر ھلکا سا پگھلالیں اور اب بلنڈر چلائیں
بلنڈر چلاتے ھوئے اس میں یہ پگھلاھوا مکھن یا مارجرین بھی تھوڑا تھوڑا کرکے شامل کرتے جائیں بلنڈر مسلسل چلاتے رھیں جب سب چیزیں مکس ھوجائیں اور گاڑھا ھو جائے تو اس میں حسب پسند پسی ھوئی کالی مرچ اور نمک بھی شامل کرلیں اور بلنڈر سے کسی پیالی میں نکال لیں
ایک پلیٹر میں پہلے اسٹیک رکھیں ساتھ ھی سلاد کے پتے یا لیموں کاٹ کر رکھیں اور اس مزے دار سوس کے ساتھ ابلے چاول یا پیٹا بریڈ کے ساتھ پیش کریں یا فرنچ فرائی کے ساتھ مزے اڑائیں
No comments:
Post a Comment